به گزارش وزارت معارف، تعمیر متذکره در مدت یک سال به صورت پخته و اساسی اعمار گردید. تعمیر مکتب متذکره به کمک مالی وزارت مبارزه با مواد مخدر اعمار گردیده ، که دارای 30 صنف درسی، 8 اتاق اداری، 26 تشناب با سایر ملحقات ضروری می باشد که با اعمار تعمیر متذکره مشکل 5000 تن شاگرد از ناحیه نبود تعمیر مرفوع گردید.
در مراسمی که به همین مناسبت در محوطه لیسه مذکور تدویر گردیده بود بر علاوه محترم عبدالجار نعیمی والی ولایت و مسوولین ریاست معارف آن ولایت تعدادای از منسوبین ادارات دولتی، متنفذین قومی، استادان و شاگردان حضور داشتند.